პაშა ბანკის ორგანიზებით თბილისში საქართველო-აზერბაიჯანის ბიზნეს ფორუმი გაიმართა

პაშა ბანკმა და პაშა ჰოლდინგმა თბილისში პარტნიორებთან ერთად მაღალი დონის ბიზნეს ფორუმს უმასპინძლა. EY-სთან, VISA-სთან და SOCAR-თან პარტნიორობით გამართულ ფორუმზე საქართველოსა და აზერმაიჯანის სხვადასხვა ინდუსტრიის ლიდერები შეიკრიბნენ. მონაწილეებმა იმსჯელეს ორმხრივი სავაჭრო-ეკონომიკური ურთიერთობების გაუმჯობესებაზე, სტრატეგიული ინვესტიციების მხარდაჭერასა და ახალი შესაძლებლობების წარმოჩენაზე სხვადასხვა სექტორში.

ფორუმი გახსნეს პაშა ბანკი საქართველოს გენერალურმა დირექტორმა, რამილ იმამოვმა, და პაშა ჰოლდინგის გენერალური დირექტორის მოადგილემ, დაიანათ სადულაევმა. მათთან ერთად მონაწილეებს მიმართეს SOCAR Energy Georgia-ს გენერალურმა დირექტორმა, EY საქართველოსა და EY აზერბაიჯანის და ხელმძღვანელმა პირებმა. პაშა ბანკი საქართველოს გენერალურმა დირექტორმა, რამილ იმამოვმა, რეგიონში ბიზნესის მზარდ პოტენციალზე ისაუბრა: „დღევანდელმა დისკუსიებმა კიდევ ერთხელ წარმოაჩინა მაღალი ინტერესი ქვეყნებს შორის ინვესტიციებზე, ასევე პარტნიორობებზე, რომლებიც ქმნიან გრძელვადიან კომერციულ ღირებულებას. პაშა ბანკი საქართველო მზად არის მხარი დაუჭიროს იმ ბიზნესებს, რომლებიც ორივე ბაზარზე გაფართოებას გეგმავენ.“

პაშა ჰოლდინგის გენერალური დირექტორის მოადგილემ, დაიანათ სადულაევმა, ისაუბრა საქართველოში სტრატეგიული ინვესტიციების მნიშვნელობასა და ორ ქვეყანას შორის პარტნიორული ურთიერთობის განსაკუთრებული როლზე: „პაშა ჰოლდინგისთვის საქართველო უბრალოდ ერთ-ერთი ბაზარი არ არის, ის არის სტრატეგიული მეზობელი, პარტნიორი და მეგობარი. ჩვენი გამოცდილება ცხადყოფს, რომ სწორი ხედვისა და თანამშრომლობის პირობებში ორივე ქვეყანას ერთობლივი წარმატებისთვის უზარმაზარი პოტენციალი აქვს.”

პაშა ბანკის ბიზნეს ფორუმის პროგრამა მოიცავდა:

• რეგიონული ეკონომიკური და ფინანსური მიმართულებების მიმოხილვას, რომელიც პაშა ჰოლდინგის მთავარმა ეკონომისტმა წარადგინა;
• პანელურ დისკუსიას თემაზე - „სტრატეგიული ინვესტიციები და აზერბაიჯან–საქართველოს კორიდორის მომავალი“;
• პანელურ დისკუსიას თემაზე - „მომავლის დაფინანსება: ტრადიციული და მდგრადი ფინანსები“.

ორივე პანელი ფოკუსირებული იყო პრაქტიკულ საინვესტიციო შესაძლებლობებზე და ბაზრებს შორის თანამშრომლობაზე.

ფორუმი დასრულდა არაფორმალური ვახშმით, რომელიც მიზნად ისახავდა ქართულ და აზერბაიჯანულ კომპანიებს შორის ახალი ბიზნეს ურთიერთობების ჩამოყალიბებას.