ნიკოლოზ შურღაიამ 1995 წელს მიიღო ბაკალავრის ხარისხი თბილისის სახელმწიფო უნივერსიტეტში  ფინანსების და კრედიტის სპეციალობით. ის ასევე ეკონომიკის მაგისტრია და ლონდონის ბიზნეს სკოლის ბიზნეს ადმინისტრირების სამაგისტრო პროგრამის კურსდამთავრებული.

ნიკოლოზმა კარიერა 1994 წელს საქართველოს ექსიმბანკში დაიწყო (შემდგომ გაერთიანებული ქართული ბანკი) დაიწყო, სადაც 2002 წლამდე სხვადასხვა პოზიციებზე მუშაობდა. 2004 წელს მოსკოვში, ის ABN AMRO BANK-ის ვიცე პრეზიდენტის თანაშემწედ დაინიშნა. 2005-2008 წლებში ლონდონში, EBRD-ის საფინანსო ინსტიტუტების ჯგუფში ძირითადი ბანკირი იყო.

ნიკოლოზ შურღაია 2008-2009 წლებში თბილისში, VTB ბანკის გენერალური დირექტორის თანამდებობაზე მუშაობდა; ხოლო 2009-2011 წლებში, მას მინსკის Belarusky Narodny Bank-ის აღმასრულებელი თავმჯდომარის და საქართველოს ბანკის გენერალური დირექტორის მოადგილის პოზიციები ეჭირა.

ნიკოლოზი 2012-2014 წლებში ბაქოში, Rabitabank-ის გამგეობის თავმჯდომარე იყო, ხოლო 2016-2020 წლებში - ბაქოში, Yelo Bank-ის გამგეობის თავმჯდომარედ მუშაობდა.

ნიკოლოზ შურღაია 2011 წლიდან დღემდე, აზერბაიჯანში, ბელარუსში, საქართველოსა და ყაზახეთში მომუშავე ფინანსური ინსტიტუტების დამოუკიდებელი მრჩეველია (საქართველოს საფონდო ბირჟა, პაშა ბანკი საქართველო, Bank Moscow-Minsk, EvrotorgInvestBank, Caspian Financial Group).

2021 წლის 29 აპრილს ნიკოლოზი სს პაშა ბანკ საქართველოს გენერალურ დირექტორად და დირექტორთა საბჭოს თავმჯდომარედ დაინიშნა.

ლევან ალადაშვილმა 2005 წელს დაამთავრდა თბილისის ტექნიკური უნივერსიტეტი საბანკო საქმის სპეციალობით. მას არაერთი პროფესული ტრეინინგი აქვს გავლილი რისკების შეფასების, რისკების მენეჯმენტის და ფინანსური ანალიზის მიმართულებებით.

ლევან ალადაშვილმა კარიერა 2005 წელს პროკრედიტ ბანკში დაიწყო. 2006-2015 წლებში ის მუშაობდა ვითიბი ბანკის კორპორაციული საბანკო მომსახურების და საკრედიტო რისკების მიმართულებით. 

2015 წლიდან პროფესიული საქმიანობა მან სს პაშა ბანკ საქართველოში განაგრძო საკრედიტო რისკების დეპარტამენტის უფროსად, 2019-ში დამნიშნეს რისკების დირექტორის მოადგილის პოზიციაზე.

2021 წლის 17 მაისიდან ლევან ალადაშვილ სს პაშა ბანკ საქართველოს რისკების დირექტორის და დირექტორთა საბჭოს წევრის პოზიცია უკავია.

გიორგი ჩანადირმა 2005 წელს დაამთავრა თბილისის სახელმწიფო უნივერსიტეტის სოხუმის ფილიალი და მიიღო ბაკალავრის ხარისხი კომპიუტერულ მეცნიერებებსა და მათემატიკაში. ის ასევე თავისუფალი უნივერსიტეტის პროექტის მენეჯმენტის კურსდამთავრებულია (CAM02).

გიორგი ჩანადირმა პროფესიული კარიერა 2004 წელს, გაეროს ლტოლვილთა უმაღლეს კომისარიატში პროგრამისტის პოზიციაზე დაიწყო. 2006-2010 წლებში ის მუშაობდა „ბანკ რესპუბლიკაში, ჯგუფ სოსიეტე ჟენერალში“, როგორც დეველოპერი, მონაცემთა ანალიტიკოსი და რეპორტ დეველოპერი.

2010-დან 2012 წლამდე გიორგი ჩანადირს ინფორმაციული ტექნოლოგიების დეპარტამენტის ხელმძღვანელის პოზიცია ეკავა საქართველოს იძულებით გადაადგილებულ პირთა, განსახლებისა და ლტოლვილთა სამინისტროში.

2012 წელს გიორგი ჩანადირმა UNIVERSAL CARD CORPORTAION-ში ინფორმაციული ტექნოლოგიების ოფიცრის პოზიცია დაიკავა. აღნიშნულ თანამდებობაზე ის 2020 წლამდე მუშაობდა.

პროფესიული კარიერა მან 2020 წელს სს „პაშა ბანკ საქართველოში“ განაგრძო, ინფორმაციული ტექნოლოგიებისა და საბანკო სისტემების განვითარების დეპარტამენტის ხელმძღვანელად.

გიორგი ჩანადირი 2021 წლის 29 აპრილს პაშა ბანკის დირექტორთა საბჭოს წევრის და ინფორმაციული ტექნოლოგიების და საოპერაციო დირექტორის პოზიციაზე დაინიშნა.

სელიმ ბერენტმა სტამბოლის ქოჩის უნივერსიტეტის ბიზნესის ადმინისტრირების ბაკალავრიატი დაამთავრა 1998 წელს. ის, ასევე, არის „რობერტ კოლეჯის“ (სტამბოლი) კურსდამთავრებული.

სელიმ ბერენტმა კარიერა 2003 წელს დაიწყო, როგორც ფინანსურმა კონტროლიორმა Roche Diagnostics-ში, სტამბოლში. შემდეგ ის მუშაობდა Pricewaterhouse Coopers-ში (სტამბოლი) უფროს კონსულტანტად, კომპანიებს კონსულტაციას უწევდა ფინანსური მიმართულების ეფექტურად მართვაში. 2012 წლის ნოემბერში მან კარიერა ბაქოში, ოქროს მომპოვებელ კომპანია AIMROC-ში განაგრძო, როგორც ფინანსურმა დირექტორმა.

ბატონი ბერენტი სს “პაშა ბანკ საქართველოს” 2019 წლის აპრილში შეუერთდა, როგორც დირექტორთა საბჭოს თავმჯდომარის მრჩეველი სტრატეგიული მიმართულებით. აღნიშნულ პოზიციაზე ყოფნისას, სელიმ ბერენტმა ეფექტურად იმუშავა ბანკის სტრატეგიულ მიმართულებებზე.

ბატონი ბერენტი სს პაშა ბანკ საქართველოს სამეთვალყურეო საბჭომ ფინანსური დირექტორის თანამდებობაზე აირჩია და ის მოვალეობების შესრულებას 2020 წლის 24 სექტმებრიდან შეუდგა.